ஏவி.எம் நிறுவனம் சார்பில் எம்.பாலசுப்ரமணியம், குருநாத்மெய்யப்பன் இருவரும் இணைந்து பெரும் பொருட் செலவில் மிக பிரமாண்டமாக தயரிக்கும் படம் ஏவி.எம்மின் வேட்டைக்காரன். இப்படத்தில் விஜய் கதாநாயகனாக நடிக்க அவருக்கு ஜோடியா அனுஷ்கா நடிக்கிறார், இவர்களுடன் ஸ்ரீஹரி, சலீம்கோஷ், சாயாஜி ஷிண்டே, சத்யன் உட்பட பலர் நடிக்கின்றனர்.இப்படத்தின் கதை, எழுதி இயக்குகிறார் பி. பாபு சிவன். இவர் இயக்குநர் தரணியிடம் பல படங்களில் இணை துணை இயக்குநராக பயிற்சிப் பெற்றவர். ஒளிப்பதிவு - கோபிநாத், இசை - விஜய்ஆன்டனி, கலை - மிலன், சண்டைப் பயிற்சி - கனல் கண்ணன், நடனம் ஷோபி. இப்படத்தின் முதற்கட்டப் படப்பிடிப்பு மார்ச் ஒன்பதாம் தேதி ராஜமுந்திரியில் தொடங்கியது தொடர்ந்து நடைபெற்று வருகிறது. இதில் விஜய்யுடன் நூறு நடன கலைஞர்கள் பங்கேற்று நடனம் ஆடிய ஓப்பனிங் பாடல் காட்சி மிக பிரமாண்டமாக படமானது. இதற்கு ஷோபி நடனம் அமைத்திருந்தார். இந்த பாடல் காட்சியில் விஜய் மகன் ஜேஸன் சஞ்சை சில காட்சிகளில் நடனம் ஆடியுள்ளார். விஜய் சிறுவயதில் அவரது தந்தை எஸ்.ஏ.சந்திரசேகர் இயக்கிய சில படங்களில் நடித்திருக்கிறார். அதே போல அவரது மகனும் சிறுவயதியிலேயே தந்தையின் மூலம் நடிகராகிவிட்டார்.
No comments:
Post a Comment