இரா...



இரா என்ற பழந்தமிழ் சொல்லுக்கு இரவு என்று பொருள். ஆவிகள் பேய்கள் போன்ற அமானுஷ்ய சக்திகளுக்கும் இரவுக்கும் நெருங்கிய தொடர்பு உண்டு. இதன் அடிப்படையில் இரா என்ற தலைப்பில் திகில் திரைப்படம் ஒன்றை புதிய பரிமாணத்துடன் தயாரிக்கிறது ஷங்கர் பிரதர்ஸ் என்னும் புதிய திரைப்பட நிறுவனம்.
ஆவிகள் பேய்கள் போன்ற விஷயங்களுக்கு இன்று வரை ஆதாரமில்லை. அப்படிப்பட்ட ஒரு ஆதாரத்தை சேகரிக்கும் முயற்சியில் நகுலன் பொன்னுசாமி என்ற அமானுஷ்ய ஆராய்ச்சியாளர், மூணாறில் உள்ள பிரபல தொழிலதிபரின் பூர்வீக சொத்து இருக்கும் இடத்தில் ஆவிகள் நடமாடுவதாக அறிந்து அங்கு சென்று ஆராய்ச்சியில் ஈடுபடுகிறார். ஒரு இரவு முழுவதும் தனியாக தங்கி ஆராயும் அவர் மர்மமான முறையில் இறக்கிறார். அவர் மரணத்தின் மர்மத்தை டெய்ஸி என்ற இளம் டிவி ரிப்போர்ட்டர் ஆராய்ந்து விடை காண முயலுவதே இப்படத்தின் கதை.