ரமணா நடிக்கும் "காந்திகணக்கு"

பூஜாபிலிம்இன்டர்நேஷனல் எனும் பட நிறுவனம்  மிக பிரமாண்டமாக தயாரிக்கும் படம் "காந்திகணக்கு".இப்படத்தில் ரமணா மாறுபட்ட கதாபாத்திரத்தில் நடிக்கிறார்.கதாநாயகியாக முன்னணி நடிகை ஒருவர் நடிக்கிறார்.மற்றொரு நாயகியாக புதுமுகம் ஒருவர் நடிக்கிறார்.இவர்களுடன் 'லொள்ளு சபா'ஜீவா,ஸ்ரீநாத் தேவதர்ஷினி,மனோபாலா,சபீதா ஆனந்த்,சுதா,ஷர்மிளா,ஐசக்,மனோகர் மற்றும் பலர் நடிக்கிறார்கள்.

கார்த்திக் ஐயர் ஒளிப்பதிவு செய்கிறார்.இவர் ஒளிப்பதிவாளர் பிரியனிடம் உதவியாளராக பணிபுரிந்திருக்கிறார்.ஏ.கே.ரிஷால் சாய் இசை[யமைக்கிறார்.இசைக் குடும்பத்தை சேர்ந்த இவர் தெலுங்கு,மலையாளப் படங்களுக்கு இசையமைத்திருக்கிறார்.இவரது இசையில் நா.முத்துக்குமார் எழுதிய ஐந்து பாடல்கள் ஒலிப்பதிவு செய்யப்பட்டுள்ளது.எஸ்.பி.பாலசுப்ரமணியம்,கார்த்திக்,ஸ்ரேயா கோஷல்,பிரசன்னா,வனிதா பாடியுள்ளனர்.படத்தொகுப்பை சுரேஷ் அர்ஸ் கவனிக்கிறார்.தினேஷ்,தினா இருவரும் நடனம் அமைக்கின்றனர். கதை,திரைக்கதை,வசனம் எழுதி இயக்குகிறார்  சம்பத் ஆறுமுகம்.இவர் இயககுநர் சசியிடம் உதவியாளராக பணிபுரிந்தவர்.விளம்பரப் படங்களையும் இயக்கியிருக்கிறார்.நிர்வாகத் தயாரிப்பு-சூர்யா பி.சக்திவேல்.

மானத்திற்கும் தன்மானத்திற்கும் பயந்து வாழும் நடுத்தர வர்க்கத்தை மெல்ல மெல்ல அழித்துக் கொண்டிருக்கும் ஒரு சக்தியை அகிம்சை வழியில் நாயகன் எப்படி முறியடித்து வெற்றி பெறுகிறான் என்பதே கதையின் மையக் கரு.படப்பிடிப்பு சென்னையில் நடந்து வருகிறது.தொடர்ந்து கோவை,ஊட்டி,கோவா,கேரளா ஆகிய இடங்களில் நடைபெறுகிறது.லண்டன் வீதிகளில் சிறப்பு அனுமதிப் பெற்று ஒரு பாடல் காட்சி முழுக்க படமாக்கத் திட்டமிட்டுள்ளனர்.